गाई, एमाले भाइभाइ : भोटजति हल गोरुलाई

२०७४-२-११ विहिबार

निर्वाचनको ज्वरो अझै सकिएको छैन । यो थामिन २०७४ असार पूरै बित्न सक्छ । अहिले बजेट, सरकार गठन र भद्र सहमतिका कुरा आएका छन् । प्रचण्डले आफू हारेर पनि देशलाई जिताए । एक किसिमको निकास चुनाव पनि हो । चुनावले समाजमा जमेर बसेको दिशाहीनता, भ्रष्टाचार, अकर्मण्यता, बाहुबली र कामचोर प्रवृत्तिको समूल नष्ट गर्नु पर्ने त हो । तर हाम्रोजस्तो देशमा त्यो गर्दैन । जुन पार्टीका मानिसले जिते पनि नेपाली मानसिकता पुरानै छ । अहिले चुनावमा घोषणापत्रमा गरेका मीठा वाचा र कबोलले देशलाई धपक्कै बल्ने पारिएको छ । ‘फरक छ, सोकेसको मिठाई र चित्रको मिठाईमा । राजधानीको अवस्था देख्दा जो कोहीलाई पनि चाबहेल र कोटेश्वरमा गएर रुन मन लाग्छ । आखिर जनताका समस्या जनतासँगै छन् । हाम्रा नेता त महलमा छन् तिनलाई वास्ता छैन ।’

एकथरी मानिसहरू यसो भन्न थालेका छन् । स्थानीय तहमा स्रोत होला तर सोच पुरानै छ । भवन छैनन् । जग्गा उपलब्ध हुनु पर्यो । प्रतिनिधिहरू कोहीले भाडाको घरमा कोहीले आँगनमा शपथ लिएका छन् । यो स्थितिको अन्त्य हुनु पर्छ –अब आगामी दिनहरूमा । नहुने चुनाव प्रचण्डले गरेर देखाए । अब तास फिट्ने पालो देउवाका भागमा परेको छ । चुनावी तालमेलले राप्रपाका कमल थापाको सत्तामा जाने भरेङ् भाँचियो । उनी पत्ता साफ भए । त्यही हालत गोर्खेली डा. बाबुरामको भएको छ । नयाँ शक्तिले जसरी संगठन र जनतालाई जगाउने काम साझा र विवेकशील नेपालीले गर्न पाएका भए र पार्टीगत चुनाव चिन्हमा चुनाव लड्न पाएका भए नेपालका महानगरमा तहल्का मच्चाउने रै’छन् । नेपालीले खोजेको पुरानो र अल्छे गणतन्त्र पक्कै होइन । फाष्ट ट्रयाकमा सम्बोधन हुने खालका साझा विकासे समस्यालाई समाधान गर्न नेपालीले ¥याडिकल गणतन्त्र नै खोजेको हो ।

पेशल आचार्य

अहिले प्रचण्ड छोरालाई पिए र छोरीलाई मेयरमा उठाएर चौतर्फी आलोचनाका पात्र भए पनि उनले काँग्रेससँग भएको भद्र सहमतिको परिपालना गरेरै छाडे । उनले सजिलै सत्ता छोड्लान भनेर नेपाली काँग्रेसले चिताएको थिएन । अब प्रचण्डको बहिर्गमनसँगै देउवा चैनको निद्रा त सुत्लान् तर उनलाई पनि आफ्नो घाँटी माथि डेमोक्लिसको तरबार झुण्डिएको अवस्थामा कमरेड प्रचण्डले सत्ता हस्तान्तरण गरेका छन् । अब देउवाका पालामा ‘तावाबाट उछिट्टिएको माछो भुङ्ग्रा’मा भनेझैँ भएका छन् । देउवा नेपाली काँग्रेसका बहालवाला सभापति भए पनि उनको राष्ट्रिय छवि यतिखेर धमिलिएको अवस्था छ । ओलीले उनलाई सत्तामा जान अनेक तिकड्म लगाएर रोक्न नखोजेका पनि होइनन् । पहिलो चरणको चुनावी नतिजाबाट ओली र एमाले दुवै उत्साहित भएका छन् । हुन पनि एमालेले पहिलो चरणको चुनावी नारा नै गाउँदेखि केन्द्रसम्मै एमालेको सरकार भन्ने दिएको थियो । त्यसलाई पूरा गर्न एमालेका समग्र कार्यकर्ता अहोरात्र लागेकै हुन् । फलतः परिणाम पनि सकारात्मक देखियो । लोकतन्त्रमा चुनाव गहना हो । भलै जसले जिते पनि जनताले अब सकसहीन शासनको प्रत्याभूति भने पाउनु प¥यो ।

पानीले आफ्नो लेबल आफैँ मिलाएझैँ चुनावले पनि क्रमशः सानातिना समस्याहरू मिलाउँदै जान्छ । एमालेले चुनावी तालमेलका गरेको तिकड्मले आफूलाई त फाइदा नै दियो उता राप्रपाको जर्सी गाई नराम्ररी थला परेको स्थिति छ । धेरै स्थानमा उम्मेदवार नै नभएका हलोमा भोट परेका रहेछन् । गाईले यसपाला नराम्ररी नाम्ले रोगको सामना गर्नु प¥यो । केटाकेटीहरूको बालगीतमा भनेझैँ गाईलाई यसपल्ट खोलाले बगायो । चुनावी तालमेलले काँग्रेस र माओवादी केन्द्रलाई भने थाङ्नामा सुताउने लक्षण देखिँदैछ । भरतपुर, पोखरा र काठमाडौँमा काँग्रेस र माओवादीका उम्मेदवारको सम्मानजनक हार हुँदैछ भन्ने न्यूजहरू दिनरात पढ्न पाइरहेको छ । संविधान कार्यान्वयनका सिलसिलामा प्रचण्डले जुन भद्रता देखाए र चुनाव गरे त्यसका लागि उनको नाम इतिहासमा राम्रोसँग दर्ज हुने छ । यसमा कुनै शंका गर्ने ठाउँ छैन । अब रह्यो देउवाको कार्य तराईमा २२ स्थानीय तह थप गरिएका छन् ।

त्यसमा एमालेको विमत्ती रहेको छ । देउवा यस्तो परिस्थितिमा प्रमको हट सिटमा बस्न लागेका छन् जसले हातको चरो उडाएर अर्को उडिरहेको चरो समात्ने प्रयत्न गरेको देखिन्छ । राजनीतिमा स्थायी शत्रु र स्थायी मित्रु हुँदैनन् भन्ने कुरा एमालेले राप्रपासँग गरेको चुनावी गठजोड र काँग्रेसले माओवादी केन्द्रसँग गरेको तालमेलबाट थाहा हुन्छ । स्थानीय चुनाव भएका कारण जनता आफ्नो पार्टी र सिद्धान्तमा अडिग भएर भोट हाल्न चाहन्छन् भन्ने कुरा देशैभरिका नतिजाबाट पनि स्पष्ट भैसक्यो । यसमा पार्टीहरूले बेइमान गरेकै हुन् । फरकफरक पार्टी हुनु भनेको पृथक् विचारको बोलबाला हो । जनतालाई एकै ठाउँमा भोट हाल्न लगाएर फेरि अर्कोपल्ट नेताहरूले राजनीतिक बेइमान गरेका छन् । सपनाको सौदा अहिले छापिएका घोषणापत्रहरूमा पउल रुपमा गरिएको छ । यदि ती घोषणापत्रमा लेखिएका र भनिएका कुरा पुगेनन् भने फेरि अर्कोपल्ट आउने र हुने चुनावमा जनता विपरीत दिशातर्फ नढल्केलान् भन्न सकिन्नँ । नेपाली जनताले पुराना पार्टीको विकल्प फेरि पनि पुरानै पार्टीलाई भोट हालेर गरे ।

यो सारै उदेकको चित्र भएको छ । पुराना पार्टीका विकल्पमा नयाँलाई विभिन्न स्थान र पदमा निर्वाचित गराएका भए नेपाली समाजमा पनि परिवर्तनका सन्दर्भहरूले घर गर्न थालेका रहेछन् भनेर सोच्न सकिन्थ्यो । तर त्यो भएन । नहुने भनिएको पहिलो चुनाव सम्पन्न भएपछि अब दोस्रो चरणको चुनाव पनि त्यसैगरी हुनेछ । अनि नेपाली समाज क्रमशः संघीयताको बाटोमा घस्रिपस्री हिँड्न बाध्य हुनेछ । पहिलो पुस्ताले बाटो देखायो भने आउने दोस्रो र तेस्रो पुस्ताले आफ्नो मार्गमा अविचल हिँड्न पाउने छन् । निर्वाचनमा भए गरेका सामान्य र गम्भीर त्रुटिलाई सच्याउँदै अघि बढ्नुको विकल्प पनि हामीसँग छैन । यहीँ भएका नेतालाई पत्याएर यहीँ भएका स्रोत साधनले नै देशको शनैःशनैः विकास गर्ने हो । आखिर सबैथोक आयात गर्न मिले पनि नेतृत्व र नेता आयात गर्न भने नमिल्ने रहेछन् । सत्ता छाड्दै गरेका प्रचण्ड र सत्ताको राप र तापमा बस्दै गरेका देउवा दाजुमा शुभकामना । अब दोस्रो चरणको चुनाव भयरहित र निष्पक्ष वातारणमा निर्वाध सम्पन्न होस् । अहिलेलाई यत्ति ।
।।समाप्त।।

विद्यार्थी मृत्यु प्रकरण : प्रिन्सिपलसहित पाँच जनाविरुद्ध मुद्दा दायर

२०७६-३-२७ शुक्रबार

कञ्चनपुर / कञ्चनपुरको भीमदत्तनगरपालिका–१७ मझँगाउँस्थित महाकाली बाल विद्यालयका विद्यार्थी माधव कलौनीको मृत्युका विषयलाई लिएर उहाँका अभिभावकले पाँच जनाविरुद्ध मुद्दा दायर गरेका छन् ।विद्यार्थीबीच भएको झगडाका विषयलाई लिएर कक्षा–९ मा अध्ययनरत छात्र माधव कलौनीलाई गत असार १३ गते शिक्षकले कुटपिट गरी घाइते बनाएको आरोप छ । घाइते विद्यार्थीको तीन दिनअघि (असार २४ गते राति) उपचारका क्रममा...

त्रिभुवन विमानस्थल अनिश्चित कालका लागि बन्द : विदेशबाट आएका जहाज अवतरण नगरी फर्किए

२०७६-३-२७ शुक्रबार

यति एयरलाइन्सको विमान त्रिभुवन विमानस्थलमा अवतरणका त्रममा चिप्लिएको छ । नेपालगञ्जबाट काठमाडौं आएको उक्त विमान अवतरणको क्रममा शुक्रबार बिहान चिप्लँदा २ जना घाईते भएका छन् । 9N अल्फा MM को उक्त जहाज अवतरणको क्रममा चिप्लिएर विमानस्थलको धावनमार्गबाट १५ मिटर पर पुगेको छ । विमानमा ६६ जना यात्रु र चार जना चालक दलका सदस्य सवार थिए...

यस्तो गाउँ जहाँ छ महिना सबैको घरमा तालाचाबी लाग्छ

२०७६-३-२७ शुक्रबार

  रोल्पा / सुनछहरी गाउँपालिका–२ भित्री गामको चालवाङ बस्ती दुई साताअघिदेखि सुनसान छ । बस्तीमा घर छन् । तर, मानिस छैनन् । ‘बर्खा लागेपछि गाउँ छाडेर जंगल नजिक गोठमा सरेका छौं’, चालवाङका ४९ वर्षीय थमन बुढामगर भन्छन्, ‘गाउँमा सबैको घरमा तालाचाबी लागेको छ ।’ २२ घरधुरी रहेको यो गाउँ ६ महिना रित्तो हुन्छ । बस्तीमुनि...

जलवायु परिवर्तन अव्यवस्थित शहरीकरण लेप्टोस्पाइरोसिस अनी रोकथामका उपाय ।

२०७६-३-२७ शुक्रबार

पृष्ठभुमीः लेप्टोस्पाइसीस पशुबाट मानीसमा सर्ने बढी प्रचलीत जीवाणुजन्य रोग मानीन्छ । विश्व स्वास्थ्य संगठनले उष्ण हावापानी भएको यो रोग कमै चासोमा पर्ने रोगका रुपमा पहिचान गरी यस्को विस्तृत प्राज्ञिक अध्ययन अनुसंधान एवं अभीलेखीकरण गर्नु पर्ने भनी औल्याइएको छ । यस रोगको स्थिती विश्वव्यापी रहेको मानिन्छ, जसले गर्दा यस रोगबाट बर्षेनी ३००००० देखि ५००००० लाख मानिस...

नजिकिँदै कांग्रेस–राजपा, सरकारविरुद्ध मोर्चाबन्दी तयारी

२०७६-३-२७ शुक्रबार

काठमान्डाैं / प्रमुख प्रतिपक्षी नेपाली कांग्रेस र अर्को प्रतिपक्षी राष्ट्रिय जनता पार्टीले सरकारविरुद्ध मोर्चाबन्दी गर्ने तयारी थालेका छन् । प्रतिपक्षी दुई दलका नेताहरूबीच सरकारविरुद्ध कसरी अघि बढ्ने भन्ने विषयमा विभिन्न तहमा छलफल जारी छ । दुई पार्टीले विभिन्न अजेन्डा उठाएर केही दिनदेखि संयुक्त रुपमा सदन अवरुद्ध गर्दै आएका छन् । यसबाट सरकारविरुद्ध यी दुई दल...

काँक्रोको बिउ बेचेरै सवा करोड कमाउने किसान

२०७६-३-२७ शुक्रबार

काठमाडाै‌ । पर्वतको फलेबास नगरपालिका-११ मा पर्ने सानो गाउँ कर्नासमा यस वर्ष सवा करोड मूल्य बराबरको काँक्रोका बिउ उत्पादन गरेका छन्।व्यावसायिक रूपमा बिउ उत्पादन गर्दै आएका १ सय घरधुरी परिवारले १ करोड २० लाखभन्दा बढी मूल्य पर्ने काँक्रोको बिउ उत्पादन गरेका हुन्। कर्नासका कृषकले यस वर्ष ४ टनभन्दा बढी काँक्रोको बिउ उत्पादन गरेको स्थाानीय कृषक बाबुराम...

Similar Posts

विराटनगरका अधिकांश स्थान डुबानमा : प्रदेशसभाको पानी मोटरले फालिदै ( तस्बिरहरू सहित )

२०७६-३-२७ शुक्रबार

विराटनगर / तीन दिनदेखि लगातारको वर्षाको पानीको उचित निकास नहुँदा र सिंगिया नदीमा आएको बाढीले विराटनगर महानगरपालिकाका केही वडा डुबानमा परेका छन् । विराटनगर सिमाना भएर बग्ने सिंगिया खोलामा आएको बाढीले विराटनगर वडा नं १, २ र ८ का केही क्षेत्र आज बिहानदेखि डुबानमा परेका जिल्ला प्रहरी कार्यालय मोरङले जनाएको छ । विराटनगर–१ स्थित परोपकार...

ठाउँ ठाउँमा पहिरो : यात्रामा सास्ती

२०७६-३-२७ शुक्रबार

  बागलुङ / मध्यपहाडी पुष्पलाल लोकमार्गको बागलुङ–बुर्तिवाङ खण्ड वर्षात्का कारण ठाउँ ठाउँमा पहिरो गएकाले जोखिम बढेको छ । बुधबारदेखिको अविरल वर्षाका कारण लोकमार्ग छेउछाउमा पहिरो जाने, भासिने, ढुङ्गा खस्ने तथा खाल्टाखुल्टी पर्न थालेपछि लोकमार्गको यात्रा निकै सास्ती भएको छ । बागलुङ–बुर्तिवाङ खण्डको ९२ किलोमिटर सडकमा मात्र दुई दर्जनभन्दा बढी स्थानमा पहिरो र कयौँ स्थानमा शाखा...

एयर क्यानाडाको जहाज आकस्मिक अवतरण, ३७ यात्रु घाइते

२०७६-३-२७ शुक्रबार

मौसमको खराबीका कारण एयर क्यानाडाको जहाज अमेरिकाको होनोलुलु विमानस्थलमा आकस्मिक अवतरण गराइएको छ । एयर क्यानाडाको ७७७–२०० विमान क्यानाडाको भ्यान्कुभरबाट सिड्नी जान लागेको थियो । उडानका क्रममा नै संयुक्तराज्य अमेरिकाको हवाई राज्यको राजधानी होनोलुलुमा शुक्रबार आकस्मिक अवतरण गराइएको थियो । त्यस क्रममा ३७ जना यात्रु घाइते भएका छन् । उनीहरुलाई अस्पताल भर्ना गरिएको पनि उक्त...

वर्षका कारण सिंहदरबारको पर्खाल भत्किदा सडक अवरुद्ध

२०७६-३-२७ शुक्रबार

काठमाडौं / केही दिन यता परिरहेको भारी वर्षका कारण सिंहदरबारको पूर्वी गेट नजिकको पर्खाल भत्किएको छ । पर्खाल भत्किएपछि अनामनगर क्षेत्रको सडक अवरुद्ध भएको महानगरीय प्रहरी वृत्त सिंहदरबारले जनाएको छ । बाटो खुलाउने कार्य भइरहेको सिंहदरबार प्रहरीले जनाएको छ । थुप्रिएको इँटा, माटो पन्छाउने काम भइहरहेको महानगरीय प्रहरी वृत्त सिंहदरबारले जनाएको छ । भूकम्पका बेला...