देउवा प्रधानमन्त्री नबन्दै आरजुलाई कामिनीको कमिसन! अनियमितताले यसरी डुब्दैछ टेलिकम

२०७४-२-२२ सोमबार

काठमाडौं । ए बाबा चाकरीको पनि हद हुन्छ । २०५१ सालमा एमालेको नौ महिने सरकार बनेपछि एउटा अन्तर्वार्तामा तत्कालीन प्रज्ञा प्रतिष्ठानका उपकुलपति मदनमणि दिक्षितले भनेका थिए “म मनमोहन अधिकारीसँग एक रातसँगै सुतेको छु” । उनी नेपाली कांग्रेसको सरकार भएको समयमा तत्कालिन प्रधानमन्त्री गिरिजा प्रसाद कोइरालाको सिफारिसमा नियुक्ति भएका कारण तपाईलाई हटाउदैनन् भन्ने प्रश्नको जवाफमा साहित्यकार दिक्षितले यसो भनेका थिए ।

त्यसैगरी नेपाली कांगे्रसका सभापति शेर बहादुर देउवा नेकपा माओवादी केन्द्रको समर्थनमा प्रधानमन्त्री बन्ने निश्चित भएपछि नेपाल टेलिकमकी प्रवन्ध निर्देशक कामिनी राजभण्डारीले आफु डा. आरजु राणासँग भारतमा अध्ययन गर्दाकी साथी भएको र पटक पटक कमिसन रकम पु¥याएको भन्दै कुनै हालतमा पनि निरन्तरता पाउने आफु निकटका बरिष्ठ अधिकारीलाई बताउने गरेकी छन् । सत्ता परिवर्तन पश्चात नेपाली कांग्रेसको भागमा सञ्चार मन्त्रालय पर्ने निश्चित भएपछि उनको यूटर्न भएको हो ।

राइट म्यान इन अ राइट प्यालेसको विरुद्धमा कामिनी

राजभण्डारीले वायरलेस सम्बन्धी विज्ञ मोवाइल सर्भिस निर्देशनालयका अशोक थापालाई ट्रान्समिसन लाइनको प्रमुख बनाएर पठाइदिएकी छन् । थापाले आफ्नो जागिरको अधिकांस समय वायरलेस सेवामै बिताएका थिए । राजभण्डारीले मोवाइल सेवाबारे जान्दै नजानेका भैरहवाका कनिष्ट कर्मचारी सिद्ध प्रसाद भारतीलाई सरुवा गरेर ….भन्दा देख्नेलाई लाज बनाएकी छन् । भारतीले हालसम्म पनि त्यो विभाग सम्हालेका छैनन् । त्यसैले उनी खुशीसाथ त्यो विभाग जान चाहदैनन् । त्यसो त सबैभन्दा बरिष्ठ अरुण पुरीलाई विराटनगर सरुवा गरेकी छन् । त्यसैगरी आफु अनुकुल काम नगर्ने सिनियरहरु सरुवा गरेर रिजर्वपुलमा राखिदिएकी छन् । रोइकराई गरी सिद्ध प्रसाद स्वमले मलाई जानकारी नभएको ठाउँमा जान्न भन्दै छन् । तरपनि प्रवन्ध निर्देशक राजभण्डारी सुन्न तयार छैनन् ।

बिरगंजमा सरुवा गरिएका प्रमोद प्रभार र मोवाइल सर्भिस निर्देशनालयबबाट हटाइएका अशोक थापाले राजभण्डारीसँग भनाभन नै गरेका थिए । आफुले सरुवा गरेका सबै डाइरेक्टरहरु नजाने अवस्था बुझेपछि राजभण्डारीले आ–आफ्नो स्थानमा गएर दुई दिन भित्रै हाजिर भई काम गर्न कडा आदेश गरेकी छन् । भारतीले आफु कामिनीको जालमा नफस्ने भन्दै जान नमानेको उनी निकट सुत्रले बतायो ।

राजभण्डारीले कुनैपनि हालतमा सस्था चलाउन नसक्ने देखपछि अहिले दूरसंचार उपकरण सप्लायरहरु हुवावे र जेटिइले पनि आगामी दिनमा प्रवन्ध निर्देशक बन्ने सम्भावना रहेका वरिष्ठ अफिसरहरुको चाकरी गर्न सुरु गरेका छन् । प्रबन्ध निर्देशक राजभण्डारीले योग्यता र कार्यकुशलताका आधारमा हैन एसम्यान र जस्ले अख्तियारमा मिलाउँछु भन्छ उसैलाई नै जिम्मेवारी दिएर नेपाल टेलिकममा ध्वस्त बनाउने प्रपञ्चमा राजभण्डारी लागेपछि सबै सिनियर अफिसरहरु छक्क परेका छन् । राजभण्डारीको एकल निर्णयले सबै विज्ञ र उच्च पदस्त कर्मचारीहरुलाई किनारा लगाइदिएपछि अख्तियारका पूर्व प्रमुख आयुक्त लोकमान कार्कीका मतियाराका रुपमा रहेका प्रदिप ठाकुर र उनका अघोषित सल्लाहकार र कमिसन पार्टनरहरु अनुपरञ्जन भट्टराई, कृष्ण घिमिरे र राजेन्द्र नकर्मी बाहेक अन्य कोहि नभएको टेलिकम स्रोतले बतायो । ती अघोषित सल्लाहकारहरुको प्रत्येक दिन बसुन्धराको निवासमा गरिने ब्रेकफाष्ट मिटिङबाट नै के के काम गर्ने र कति कमिसन असूल्ने निक्र्यौल गर्ने गरेका छन् ।

राजभण्डारी एकातिर सबै डिएमडी अर्कातिर

नेपाल टेलिकम ध्वस्त बनाएर एनसेलसँग अप्रत्यक्ष रुपमा साँठगाँठ गर्न लागेपछि सबे बरिष्ठ अधिकारीलगायतका डिएमडीहरु संस्था बचाउने पक्षमा लागेका छन् । हालसम्म पनि सार्वजनिक खरिद ऐनलाई धोती लगाएर आफुखशी टेलिकमको बिनियममा टेकेर गरिएको भ्रष्टाचारले कुनैपनि बेला अख्तियारको हिरासतमा पुग्नुपर्ने अवस्था सिर्जना भएकाले अहिले सबै डिएमडीहरु सुरक्षित अवतरणका लागि संस्था बचाउँ अभियानमा लागेका हुन् ।

कंसाकारको पथमा राजभण्डारी

पटक पटक नेपाल टेलिकमको महाप्रवन्धक बनेका सुगतरत्न कंसाकारले कमिसन खानकै लागि एक पटक ७ अर्व रुपैयाका दूरसञ्चार उपकरणहरु डम्पिङ गराएर गुणस्तरमा र संस्थालाई ठूलो नोक्सानी पु¥याएपछि सबै कर्मचारी युनियनहरु उनलाई कुनै हालतमा महाप्रवन्धक बनाउन नहुने भनेर एकमत भएका थिए । सुगतले सात अर्वको त्यो सामन एजेन्सी व्यापारी रामलाल श्रेष्ठका छोरा दिनेशलाल मार्फत कमिसन खाएर डम्पिङ गराएका थिए । सुगत राजा ज्ञानेन्द्रका प्रमुख सचिव पशुपतिभक्त महर्जनलाई नजराना चढाएर पहिलो पटक महाप्रवन्धक बने । त्यसपछि लोकतन्त्रपश्चात नेपाली कांग्रेसका नेता दिलेन्द्र प्रसाद बडुलाई कमिसन रकम दिएर दोस्रो पटक महाप्रवन्धक बने । त्यसपछि उनी अन्तरिम सरकारका सबै मन्त्रीहरुलाई कमिसन रकम दिएरै बसमा पारे । यसरी नेपाल टेलिकमको सबैभन्दा ठूलो डन र चलखेल गर्नसक्ने व्यक्तिका रुपमा कहलिए । मन्त्री र उनका आसेपासेहरु चीन र यूरोप भ्रमण देखि सिंगापुरमा खाता खोल्न समेत सुगतले पठाए ।

माफियाहरुको कुरा राम्ररी बुझेका पर्यटनमन्त्री खड्क बहादुर विश्वकर्मा प्रकाण्डले मन्त्रीपरिषद्मै लगेर कमिसनखोर सुगतलाई असक्षम भन्दै नेपाल एयरलाइन्सको कार्यकारी अध्यक्षबाट हटाइदिए । त्यसपछि पर्यटन मन्त्री कृपासुर शेर्पालाई ७ करोड बुझाउने शर्तमा नेपाल एयरलाइन्सको महाप्रवन्धक बनेका सुगतले बोइङ कम्पनीले भन्दा बढि एयरबसले बढि कमिसन दिनेभएपछि उतै नजिक बनेर संस्था डुबाउने खेलमा सामेल छन् । एक जना एमालेका नेताका अनुसार सुगतले ७ करोड रुपैया दिने भनिकन नेपाल पर्वतारोहण संघका अध्यक्ष तथा पर्यटन व्यवसायि आङछिरिङ शेर्पालाई मध्यस्तता गरिदिन अनुरोध गरे । तर जब महाप्रवन्धक बने उनले उक्त सात करोड रुपैया बालकोटमा अध्यक्ष केपी ओलीलाई पुर्याए र मन्त्रीलाई केपीबाटै रकम प्राप्त गरेको जानकारी दिन लगाएको कुरा एमालेका नेतादेखि कार्यकर्तासम्म फैलियो ।

अहिले सबै युनियनहरु मिलेर टेलिकम बचाउने कि यसरी नै छाडा छोड्ने कर्मचारीहरु अन्यौलमा छन् । धेरै कर्मचारीहरु गाई मात्रै दुहुनुपर्ने मार्न नहुनेमा एकमत भइसकेको एक जना युनियन नेताले नाम नबताउने शर्तमा बताए । हेरौ कर्मचारी युनियनमा कामिनी राजभण्डारीलाई पनि सुगतलाई जसरी भित्रै पस्न नदिने दिन कहिले आउने हो ? अन्यथा सरकारको ५१ प्रतिशत शेयर रहेको सस्था डुब्ने निश्चित भइसकेको छ । – डायरी एक्सप्रेसबाट

विपद्बाट हुने क्षति रोक्न तीनै तहका सरकार ‘हाइ अलर्ट’

२०७६-३-२७ शुक्रबार

काठमाडौँ / मनसुन सक्रिय भएसँगै मुलुकमा विपद्बाट हुनसक्ने सम्भावित क्षति रोक्न तीनै तहका सरकार र सम्बद्ध निकाय ‘हाइ अलर्ट’को अवस्थामा रहेका छन् ।विपद जोखिम न्यूनीकरण, तत्काल उद्धार तथा राहतका लागि बाढीबाट प्रभावित मुलुकका २४४ स्थानलाई उच्च जोखिम क्षेत्र पहिचान गरी सरकारी क्षमताले भ्याएसम्मका तयारी गरिएको छ । मुलुकको पहाड र हिमाली क्षेत्र पहिरोको उच्च जोखिममा...

पूर्वी र मध्य भेगमा उच्च सतर्कता अपनाउन आग्रह : सबै नदीहरूमा बहाव उच्च

२०७६-३-२७ शुक्रबार

काठमाडौँ / मनसुन न्यून चापीय रेखा नेपालको तराईका भू–भागका साथै मध्य र पूर्वी क्षेत्रमा सक्रिय रहेकाले आगामी तीन दिनसम्म देशैभर वर्षा हुने जल तथा मौसम विज्ञान विभाग, मौसम पूर्वानुमान महाशाखाले जनाएको छ । महाशाखाले मौसम विश्लेषणसम्बन्धी आज विषेश बुलेटिन जारी गर्दै मनसुन तीन दिनसम्म अति सक्रिय भइरहने सम्भावना रहेकाले देशका अधिकांश भेगमा बद्ली रही धेरैजसो...

विराटनगरका अधिकांश स्थान डुबानमा : प्रदेशसभाको पानी मोटरले फालिदै ( तस्बिरहरू सहित )

२०७६-३-२७ शुक्रबार

विराटनगर / तीन दिनदेखि लगातारको वर्षाको पानीको उचित निकास नहुँदा र सिंगिया नदीमा आएको बाढीले विराटनगर महानगरपालिकाका केही वडा डुबानमा परेका छन् । विराटनगर सिमाना भएर बग्ने सिंगिया खोलामा आएको बाढीले विराटनगर वडा नं १, २ र ८ का केही क्षेत्र आज बिहानदेखि डुबानमा परेका जिल्ला प्रहरी कार्यालय मोरङले जनाएको छ । विराटनगर–१ स्थित परोपकार...

ठाउँ ठाउँमा पहिरो : यात्रामा सास्ती

२०७६-३-२७ शुक्रबार

  बागलुङ / मध्यपहाडी पुष्पलाल लोकमार्गको बागलुङ–बुर्तिवाङ खण्ड वर्षात्का कारण ठाउँ ठाउँमा पहिरो गएकाले जोखिम बढेको छ । बुधबारदेखिको अविरल वर्षाका कारण लोकमार्ग छेउछाउमा पहिरो जाने, भासिने, ढुङ्गा खस्ने तथा खाल्टाखुल्टी पर्न थालेपछि लोकमार्गको यात्रा निकै सास्ती भएको छ । बागलुङ–बुर्तिवाङ खण्डको ९२ किलोमिटर सडकमा मात्र दुई दर्जनभन्दा बढी स्थानमा पहिरो र कयौँ स्थानमा शाखा...

एयर क्यानाडाको जहाज आकस्मिक अवतरण, ३७ यात्रु घाइते

२०७६-३-२७ शुक्रबार

मौसमको खराबीका कारण एयर क्यानाडाको जहाज अमेरिकाको होनोलुलु विमानस्थलमा आकस्मिक अवतरण गराइएको छ । एयर क्यानाडाको ७७७–२०० विमान क्यानाडाको भ्यान्कुभरबाट सिड्नी जान लागेको थियो । उडानका क्रममा नै संयुक्तराज्य अमेरिकाको हवाई राज्यको राजधानी होनोलुलुमा शुक्रबार आकस्मिक अवतरण गराइएको थियो । त्यस क्रममा ३७ जना यात्रु घाइते भएका छन् । उनीहरुलाई अस्पताल भर्ना गरिएको पनि उक्त...

वर्षका कारण सिंहदरबारको पर्खाल भत्किदा सडक अवरुद्ध

२०७६-३-२७ शुक्रबार

काठमाडौं / केही दिन यता परिरहेको भारी वर्षका कारण सिंहदरबारको पूर्वी गेट नजिकको पर्खाल भत्किएको छ । पर्खाल भत्किएपछि अनामनगर क्षेत्रको सडक अवरुद्ध भएको महानगरीय प्रहरी वृत्त सिंहदरबारले जनाएको छ । बाटो खुलाउने कार्य भइरहेको सिंहदरबार प्रहरीले जनाएको छ । थुप्रिएको इँटा, माटो पन्छाउने काम भइहरहेको महानगरीय प्रहरी वृत्त सिंहदरबारले जनाएको छ । भूकम्पका बेला...

Similar Posts

छोराले बिहे गर्न नमान्दा कुटिएका व्यक्तिको मृत्यु भएपछि तनाव, दुई जना वडा अध्यक्षसहित ७ जना विरुद्ध जाहेरी

२०७६-३-२७ शुक्रबार

माेरङ / छोराको बिहे गर्न नमान्दा २८ दिन अघि जनप्रतिनिधि समेतको संलग्नतामा कुटिएका एक व्यक्तिको मृत्यु भएपछि शुक्रबार विराटनगरको कोसी अस्पताल बाहिर अवस्था तनावग्रस्त बनेको छ । अस्पताल प्रवेश गर्ने ठाउँमै सडक अवरुद्ध पार्दै शव राखेर आफन्त प्रदर्शनमा उत्रिएपछि अवस्था तनावग्रस्त बनेको हो । बुवाले हेरेको केटीसँग छोराले बिहे गर्न नमान्दा जनप्रतिनिधिसमेतको उपस्थितिमा विराटनगर–१४ जतुवाका...

गर्धनमा बलले लागेर भारतीय क्रिकेटरको मृत्यु

२०७६-३-२७ शुक्रबार

खेलका दौरान गर्धनमा बल लागेर एक भारतीय युवा क्रिकेटरको ज्यान गएको छ । कस्मिरका यु–१९ क्रिकेटर जहाँगिर अहमद वार एक प्रतियोगिता खेलिरहेका थिए । बिहीबार गर्धनमा बल लागेपछि बेहोस भएका वारलाई अस्पताल लगिएको थियो तर अस्पतालले उनलाई मृत घोषित गर्यो । ११ कक्षामा पढ्ने जहाँगिर हालै यु–१९ क्रिकेट क्याटेगोरीमा छनोट भएका थिए । उनी बारामुला...

उर्लियो हनुमन्ते, भक्तपुरमा डुबान शुरु, प्रशासनद्धारा उच्च सतर्कता

२०७६-३-२७ शुक्रबार

  भक्तपुर / अविरल वर्षाका कारण उर्लिएको हनुमन्तेको बाढी बस्तीमा पस्न थालेपछि भक्तपुरमा डुबान शुरु भएको छ । हिजोदेखि नै परेको अविरल वर्षाका कारण हनुमन्ते नदीमा आएको बाढी खोलाभन्दा माथि आएपछि बस्तीमा पानी पस्न थालेको हो । हनुमन्तेमा बाढी उर्लिएपछि जिल्ला प्रशासन कार्यालयले हनुमन्ते नदी आसपासका बासिन्दालाई उच्च सतर्कतामा रहन आग्रह गरेको छ भने नदी...

त्रिभुवन अन्तर्राष्ट्रिय विमानस्थल चार घण्टादेखि अवरुद्ध

२०७६-३-२७ शुक्रबार

काठमाडौँ / त्रिभुवन अन्तर्राष्ट्रिय विमानस्थलको धावन मार्गमा चिप्लिएको यति एयरलाइन्सको विमानलाई तानेर ‘ह्याङ्गर’ तर्फ लैजान सकस भएको छ । धावन मार्गमा विमान चिप्लिएका कारण झण्डै चार घण्टादेखि मुलुकको एक मात्र अन्तर्राष्ट्रिय विमानस्थलको आन्तरिक तथा अन्तर्राष्ट्रिय उडान अवरुद्ध रहेको छ । निरन्तरको प्रयासका बाबजुत पनि विमानलाई निकाल्न नसकिएको महाप्रबन्धक राजकुमार क्षेत्रीले जानकारी दिनुभयो । उहाँले विमान...