खुसीबारे यी २० रोचक तथ्यहरु, जसको जानकारी मात्रले पनि तपाईलाई खुसी हुन प्रेरित गर्नसक्छ ।

२०७५-१२-११ सोमबार

काठमाडौं– प्रत्यक वर्ष मार्चमा अन्तर्राष्ट्रिय खुसी दिवस मनाइन्छ । यहाँ खुसीबारे २० रोचक तथ्यहरु प्रस्तुत गरिएको छ । अनुसन्धानबाट प्रमाणित तलका तथ्यहरुबारे जानकारी मात्रले पनि तपाईलाई खुसी हुन प्रेरित गर्नसक्छ ।
१.खुसी सरुवा हुन्छ
रुघाजस्तै खुसी पनि छेउछाउका मानिसहरुमा सजिलै सर्छ । सन् २००८ को एक ब्रिटिस अध्ययनअनुसार वयस्कहरुमाझ हुर्किएका बच्चा ठूलो भएसी बढी खुसी हुन्छन् । त्यति मात्र होइन, सकारात्मक सोच भएका साथीहरुसँग रहँदा तपाईको डिप्रेसन पनि कम हुन्छ ।

त्यसैले यदि तपाई आफ्नो मुड सुधार्न चाहनुहुन्छ भने आफू वरिपरिको मानिसहरुलाई ख्याल गर्नुस् । खुसी साथीहरुको संगत तपाईले नै फाइदाजनक हुन्छ ।

२.यत्तिकै मुस्कुराउँदा पनि खुसी बढ्छ

तनावमा, दुःखमा र डरमा मुस्कुराउने कुरा अनौठो लाग्न सक्छ । तथापि सन् १९९८ मा जर्नल अफ पर्सनालिटी एण्ड सोसियल साइकोलोजीको एक अध्ययनले अनुहारको भावले मुडलाई असर गर्ने देखाएको थियो । अध्ययनमा सहभागीहरुमध्ये जसले मुहारमा सकारात्मक भाव ल्याए तिनको मुडमा पनि त्यस्तै सकारात्मक परिवर्तन देखियो । त्यसैले आफ्नो अनुहारको भावमा होस् गर्नुस् । यदि तपाई तनाव महसुस गरिरहनुभएको छ अथवा उदास हुनुहुन्छ भने समय समयमा अनुहारमा सहज मुस्कान ल्याउँदा ती नकारात्मक भावना कम हुन्छ ।

३.खुसीले रोग प्रतिरोधात्मक शक्ति बढाउँछ
खुसीले अनुहारमा चमक ल्याउने र मुड ठिक गर्ने मात्र होइन, अध्ययनले हाम्रो शारीरिक स्वास्थलाई पनि फाइदाजनक हुने देखाएको छ । माइकोसोम्याटिक मेडिसिन जर्नलमा प्रकाशित अनुसन्धानले बढी सकारात्मक सम्वेदना भएका मानिसहरुलाई रुघाले कमै छुने व्याख्या गरेको छ । यस्तो महँगो औषधीको काम गर्ने यस्तो महत्वपूर्ण खुसी बढाउन समय समयमा आफैं बहाना खोज्न थाल्नुहोस् ।

४.अरुलाई खुसी बनाउँदा आफ्नो पनि खुसी बढ्छ

खुसी यस्तो चीज हो जुन अरुसँग बढ्दा झन् बढ्ने गर्छ । हफिंगटन पोस्टमा प्रकाशित एक आलेखअनुसार आफूलाई खुसी पार्ने सबैभन्दा छिटो तरिका भनेको अरुलाई खुसी बनाउने हो । सोही लेखले कयैन अध्ययनहरुले अरुलाई दान दिने मानिसहरुले तत्कालै खुसी महसुस गर्ने गरेको देखाएको उल्लेख गरेको छ । यस्तो अवसरमा दिमागले आफू उपयोगी हुन सकेकोमा सन्तुष्ट महसुस गर्छ । र यही सन्तुष्टिको भावले खुसी बढाउँछ ।

५.आँशिक रुपमा खुसी वंशानुगत हुन्छ

तपाईले दैनिक जीवनमा यस्ता कयैंन मानिसहरु भेट्नुहुन्छ जो यत्तिकै पनि दुःखी देखिन्छन् । त्यस्तै अर्का थरी मानिसहरु भने अफ्ठ्याराहरुबीच पनि खुसी रहिरहेका हन्छन् । उनीहरुबाट खुसी हुने कुराको पूर्ण नियन्त्रण हामीमा नरहेको देखिन्छ ।

मिनिसोटा विश्वविद्यालयका अनुसन्धानदाताहरुले गरेको अध्ययनले मानिसहरुको खुसीमा व्यक्तिको वशांणुगत असर पार्ने समेत देखाएको छ । दुई जोडी आइडेन्टीकल ट्वीन्स(लगभग समान गुण भएका जुम्ल्याहा)मा अध्ययन गर्दा उनीहरुले कुनै पनि समयमा जुम्ल्याहाको खुसीको आधा जिनसँग सम्बन्धित भएको पाए ।

६.फुलको सुगन्धले खुसी बढाउँछ

एक अध्ययनमा रुट्गर्स विश्वविद्यालयका अनुसन्धानदाताहरुले फुलको बास्ना सुँघ्दा मानिसको खुसी हुने सम्भावना तीन गुणाले बढेको पाए । यसैले अर्कोपटक तपाईलाई अरु कुराले खुसी बनाउन सकिरहेको छैन भने आफ्नो घरपछाडिको फुलबारीमा पो जाने कि ।

७.पैसाले भन्दा सम्बन्धले बढी खुसी दिन्छ

हाम्रो समाजमा अक्सर भनिन्छ कि पैसाले खुसी किन्न सकिदैंन । अध्ययनले यो कथनलाई सही देखाएको छ । जर्नल अफ सोइसो–इकोनोमिक्सले गरेको एक अध्ययनले मानिस आफूलाई मन परेको सम्बन्धमा रहँदा १ लाख डलर कमाएको भन्दा बढी खुसी भएको पाइएको थियो । पैसाले खुसीनै नबनाउने भने होइन । प्रारम्भमा पैसाले किनेको सामाग्रीहरुले खुसी बनाउँछ तर एउटा बिन्दुपछि थपिँदै गएको पैसाले भने बढाउँदैन ।

८.तपाईलाई मन पर्ने रंगले तपाईको मुड बताउँछ

सन् २०१० मा बीएमसी मेडिकल रिसर्च मेथोडोलोजीमा प्रकाशित एक अध्ययनले उज्यालो रंग र खुसीबीच सम्बन्ध देखाएको छ । यो अझ बढी पहेँलो रंगको सन्दर्भमा सही देखिन्छ । खुसी मानिसको पहिलो रोजाईनै पहेँलो रंग हुने गरेको पाइएको छ । त्यस विपरित फुस्रो खरानी रंग एन्जाइटी र डिप्रेसनसँग जोडिएको पाइएको छ ।

९.खुसीले पीडा कम गर्न सहयोग गर्छ

खुसीले पेन किलरको जस्तो पनि काम गर्छ भन्दा अचम्म लाग्न सक्छ । तर सन् २००५ मा आर्थराइटिस र दीर्घ रोगबाट पीडित महिलाहरुमा गरिएको एक अध्ययनमा यस्तो पाइएको थियो । जर्नल अफ कन्सल्टिङ एण्ड क्लिनिकल साइकोलीमा प्रकाशित उक्त अध्ययनका अनुसार खुसी, उत्साह, आशाजस्ता सकारात्मक सम्वेदना महसुस गर्नेहरुले कम पीडा महसुस गरेको देखिएको थियो ।

१०.खुसी व्यक्ति सफल हुन्छन्

हाम्रो समाजमा सफलताले खुसी बनाउँछ भन्ने सोच व्याप्त छ । तर ‘द हाउ अफ ह्याप्पिनेस’का लेखक सोन्जा ल्युबोमिरस्कीले यथार्थ यसको उल्टो भएको बताएका छन् । अर्थात खुसीले चाँही सफलता निर्माण गर्छ । उनका अनुसार खुसी मानिसहरु आत्मविश्वास, आशावादी, उत्साही र समाजिक हुन्छन् । र यी कुरा सफल हुनको सबैभन्दा आवश्यक गुणहरु हुन् ।

११.घरपालुवा जनावरले खुसी बढाउँछ

यदि तपाईको घरमा कुकुर छ भने तपाई आफैंले महसुस गर्नुभएको होला घर पस्दा कुकुर तपाईसँग झ्याम्मिदाको त्यो मायाको भाव । कुकुरले तपाईलाई एक्लो महसुस हुँदैन । त्यसका साथै कुकुर भएकाहरु उसँगै हिड्ने भएकाले तिनको शारीरिक सक्रियता अरुभन्दा बढी हुन्छ । यी दुई कुराले ब्लड प्रेसर घटाउन महत्वपूर्ण भूमिका खेल्छन् । कुकुर मात्र होइन, विरालो अथवा सुँगाजस्ता अन्य घरपालुवा जीवले मुटु रोग घटाउने र मुडलाई खुसी पार्ने कयैन अध्ययनहरुले देखाएका छन् ।

१२.एक्सरसाइजले खुसी बनाउँछ

शारीरिक अभ्यासले शरीरको इण्डोफिन बेसलाई उच्च बनाउन सहयोग गर्छ । इण्डोफिन शरीरमा सकारात्मक अनुभूति बढाउन जिम्मेवार हर्मोन हो । इण्डोफिनको उत्सर्जनले डिप्रेसनलाई कम गराउन सहयोग गर्छ । यसरी एक्सरसाइजले एकातर्फ शरीरको तौललाई सन्तुलनमा ल्याउन सहयोग गरिरहेको छ भने अर्कोतर्फ मानिसको खुसी पनि बनाइरहेको हुने रहेछ ।

१३.उमेर बढ्दै जाँदा खुसीको मात्रामा सुधार आउँछ

यो तथ्य वयस्क हुँदै जादा दुःख बढ्छ भन्नेहरुको लागि पाठ हुन सक्छ । ती मानिसहरुको विश्वासको उल्टो अध्ययनले उमेर बढ्दै जाँदा खुसीको मात्रा बढ्ने देखाएको छ । युनिभर्सिटी अफ अल्वर्टाले गरेको एक अध्ययनमा उसले संलग्न मानिसहरुको त्यो अवधिमा खुसीको स्तर कस्तो छ भनेर मापन गरेको थियो । अध्ययनमा सहभागीले सबैले उमेर बढ्दै जादाँ बढी खुसी भएको बताएका थिए ।

१४.खुसी हुनको लागि म्यासेजभन्दा फोनकल उत्तम

आजकल लामो दुरीमा रहेका पे्रमी पे्रमिकाबीच सम्वाद गर्न प्रविधिले निक्कै सघाएको छ । सञ्चारको लागि प्रत्यक्ष सम्वाद(फोन वा भिडियो कल) र म्यासेज प्रयोग हुने गरेको पाइन्छ । अध्ययनले यी दुई विकल्पमा फोन उपयोगी हुने देखाएको छ । अनुसन्धानदाताहरुले फोन वा भिडियो कल गर्नेहरुले प्रेमी वा प्रेमिकासँग भावनात्मक रुपमा जोडिएको महसुस गरेको पाए । म्यासेजबाट यस्तो अनुभुति नभएको पाइयो ।

१५.आर्थिक समानता र खुसीबीच सम्बन्ध हुन्छ

आजकल आर्थिक असमानता विश्वभरका राजनीतिक वहसको केन्द्रमा छ । यसको सम्बन्ध व्यक्तिको खुसीमा पनि हुने गरेको पछिल्ला अध्ययनहरुले देखाएको छ । अनुसन्धानमा धनी र गरिबबीच ठूलो मात्राको असमानता रहेको स्थानका मानिसहरुमा शारीरिक र मानिसक स्वास्थको ¥हास आएको पाइएको थियो ।

१६.प्रकृतिबारे सोच्दा मात्रै पनि खुसी बढ्छ

असख्य अनुसन्धानहरुले प्रकृतिले खुसी बढाउने देखाएको छ । अझ विरुवा, रुखहरु भएको ठाउँमा जाने वा हेर्ने मात्र होइन, तिनको बारेमा सोच्दा मात्रै पनि खुसी बढेको पाइएको छ । एक अध्ययनमा झ्यालबाहिर रुख विरुवा रहेका कैदीहरु त्यस्तो नभएको कैदीभन्दा मानसिक समस्याबाट कम ग्रसित पाइयो ।

१७.समाजिक सञ्जालले तपाईको खुसीमा क्षति पुर्याउँछ

फेसबुक र ट्वीटरजस्ता समाजिक सञ्जालबाट तपाई आफ्ना साथी र परिवासँग जोडिएको ठान्नु होला तर अनुसन्धानले समाजिक सञ्जालको प्रयोगले एक्लोपनको भावना बढाउने देखाएको छ । समाजिक सञ्जालको अत्यधिक प्रयोगले मानिस वास्तविक समाजिक सम्बन्धबाट कट्दै जाने देखिएको छ । यसले गर्दा उत्पन्न एक्लोपनले निराशा बढ्ने अध्ययनले देखाएको छ । डेनिस अनुसन्धानदाताहरुको एक समुहले समाजिक सञ्जालको प्रयोगमा ग्याप बढाउँदा मात्रै पनि खुसी बढेको पाएको थियो ।

१८.फलफुल र तरकारीले खुसी बढाउँछ

फलफुल र तरकारी शारीरिक स्वास्थको लागि मात्र होइन, यसले मानसिक स्वास्थलाई पनि सहयोग गर्ने पाइएको छ । १२ हजार अष्ट्रेलियनहरुमा गरिएको एक अध्ययनले फलफूल र तरकारीको उपयोगले खुसीको स्तर बढाएको पाइयो ।

१९.खुसीको पछि दौडिँदा सम्बन्धलाई असर पर्छ

हुन त सम्बन्धको उदेश्य जीवनमा खुसी बढाउनु हो तर सम्बन्धबाट जति खेरै खुसी खोज्दा त्यसले उल्टो असर निम्त्याउने देखिएको छ । अनुसन्धानदाताहरुले सम्बन्धमा खुसीलाई प्राथमिकता दिनेहरुले दैनिकी डायरीमा एक्लो महसुस गरेको भनेर लेखेको पाएका छन् ।

२०.दुःखी भाव गुम्साउनुको सट्टा अभिव्यक्त गर्दा खुसी बढ्छ

अन्य कयैंन सम्वेदनाजस्तै एक्लोपनको भावना महसुस गर्नेहरुले यसलाई पार पाउन नसक्ने भावना मान्छन् र चुपचाप केही नगरी बस्छन् । तर ‘ह्याप्पिनेस ह्याक’की लेखिका पाल्मरले मानिसहरुलाई उनीहरुले महसुस गरिरहेको निराशाजनक भावना अभिव्यक्त गर्न प्रोत्साहित गर्दा उनीहरुको मुड बदलिएर खुसी बढेको पाइएको लेखेकी छिन् ।

यस्तो गाउँ जहाँ छ महिना सबैको घरमा तालाचाबी लाग्छ

२०७६-३-२७ शुक्रबार

  रोल्पा / सुनछहरी गाउँपालिका–२ भित्री गामको चालवाङ बस्ती दुई साताअघिदेखि सुनसान छ । बस्तीमा घर छन् । तर, मानिस छैनन् । ‘बर्खा लागेपछि गाउँ छाडेर जंगल नजिक गोठमा सरेका छौं’, चालवाङका ४९ वर्षीय थमन बुढामगर भन्छन्, ‘गाउँमा सबैको घरमा तालाचाबी लागेको छ ।’ २२ घरधुरी रहेको यो गाउँ ६ महिना रित्तो हुन्छ । बस्तीमुनि...

जलवायु परिवर्तन अव्यवस्थित शहरीकरण लेप्टोस्पाइरोसिस अनी रोकथामका उपाय ।

२०७६-३-२७ शुक्रबार

पृष्ठभुमीः लेप्टोस्पाइसीस पशुबाट मानीसमा सर्ने बढी प्रचलीत जीवाणुजन्य रोग मानीन्छ । विश्व स्वास्थ्य संगठनले उष्ण हावापानी भएको यो रोग कमै चासोमा पर्ने रोगका रुपमा पहिचान गरी यस्को विस्तृत प्राज्ञिक अध्ययन अनुसंधान एवं अभीलेखीकरण गर्नु पर्ने भनी औल्याइएको छ । यस रोगको स्थिती विश्वव्यापी रहेको मानिन्छ, जसले गर्दा यस रोगबाट बर्षेनी ३००००० देखि ५००००० लाख मानिस...

नजिकिँदै कांग्रेस–राजपा, सरकारविरुद्ध मोर्चाबन्दी तयारी

२०७६-३-२७ शुक्रबार

काठमान्डाैं / प्रमुख प्रतिपक्षी नेपाली कांग्रेस र अर्को प्रतिपक्षी राष्ट्रिय जनता पार्टीले सरकारविरुद्ध मोर्चाबन्दी गर्ने तयारी थालेका छन् । प्रतिपक्षी दुई दलका नेताहरूबीच सरकारविरुद्ध कसरी अघि बढ्ने भन्ने विषयमा विभिन्न तहमा छलफल जारी छ । दुई पार्टीले विभिन्न अजेन्डा उठाएर केही दिनदेखि संयुक्त रुपमा सदन अवरुद्ध गर्दै आएका छन् । यसबाट सरकारविरुद्ध यी दुई दल...

काँक्रोको बिउ बेचेरै सवा करोड कमाउने किसान

२०७६-३-२७ शुक्रबार

काठमाडाै‌ । पर्वतको फलेबास नगरपालिका-११ मा पर्ने सानो गाउँ कर्नासमा यस वर्ष सवा करोड मूल्य बराबरको काँक्रोका बिउ उत्पादन गरेका छन्।व्यावसायिक रूपमा बिउ उत्पादन गर्दै आएका १ सय घरधुरी परिवारले १ करोड २० लाखभन्दा बढी मूल्य पर्ने काँक्रोको बिउ उत्पादन गरेका हुन्। कर्नासका कृषकले यस वर्ष ४ टनभन्दा बढी काँक्रोको बिउ उत्पादन गरेको स्थाानीय कृषक बाबुराम...

अकुत सम्पत्ति आर्जन गरेका जोशीको मुद्दा सर्वोच्चले हेर्न नभ्याउने !

२०७६-३-२७ शुक्रबार

काठमाडौं । विशेष अदालतबाट भ्रष्टाचारी ठहर भएका गोविन्दराज जोशीको मुद्दाको फाइल अख्तियार दुरुपयोग अनुसन्धान आयोगले सर्वोच्च अदालतमा बुझाए पनि हेर्न नमिल्ने सूचीमा राखेको छ । पटक–पटक मुद्दा स्थगित र हेर्न नभ्याउने सूचीमा राख्दै आएको सो मुद्दा १२औं पटक हेर्न नमिल्ने सूचीमा राखिएको हो । प्रधानन्यायाधीश चोलेन्द्रशमशेर राणाले हेर्न नमिल्ने सूचीमा पेसी तोकेपछि सो मुद्दा अर्को महिनाका...

आज हरिशयनी एकादशी : ‘असंख्य औषधीय गुण’ भएकाे तुलसी रोपेर चतुर्मास व्रतको आरम्भ गरिँदै

२०७६-३-२७ शुक्रबार

काठमाडौं । आज हरिशयनी एकादशी अर्थात ठूलो एकादशी । हिन्दू धर्ममा यस दिनलाई अति विशिष्ठ र महत्वका साथ हेर्ने र लिने गरिन्छ । आजको दिन नै घरघरमा तुलसी रोपेर आम हिन्दूहरुले चतुर्मास व्रतको आरम्भ गर्दै भगवान विष्णुको उपासना गर्ने गर्छन । भनिन्छ आजको दिनदेखि भगवान विष्णु चार महिनाका लागि क्षीर सागर सुत्न जानु हुन्छ ।...

Similar Posts

एयर क्यानाडाको जहाज आकस्मिक अवतरण, ३७ यात्रु घाइते

२०७६-३-२७ शुक्रबार

मौसमको खराबीका कारण एयर क्यानाडाको जहाज अमेरिकाको होनोलुलु विमानस्थलमा आकस्मिक अवतरण गराइएको छ । एयर क्यानाडाको ७७७–२०० विमान क्यानाडाको भ्यान्कुभरबाट सिड्नी जान लागेको थियो । उडानका क्रममा नै संयुक्तराज्य अमेरिकाको हवाई राज्यको राजधानी होनोलुलुमा शुक्रबार आकस्मिक अवतरण गराइएको थियो । त्यस क्रममा ३७ जना यात्रु घाइते भएका छन् । उनीहरुलाई अस्पताल भर्ना गरिएको पनि उक्त...

वर्षका कारण सिंहदरबारको पर्खाल भत्किदा सडक अवरुद्ध

२०७६-३-२७ शुक्रबार

काठमाडौं / केही दिन यता परिरहेको भारी वर्षका कारण सिंहदरबारको पूर्वी गेट नजिकको पर्खाल भत्किएको छ । पर्खाल भत्किएपछि अनामनगर क्षेत्रको सडक अवरुद्ध भएको महानगरीय प्रहरी वृत्त सिंहदरबारले जनाएको छ । बाटो खुलाउने कार्य भइरहेको सिंहदरबार प्रहरीले जनाएको छ । थुप्रिएको इँटा, माटो पन्छाउने काम भइहरहेको महानगरीय प्रहरी वृत्त सिंहदरबारले जनाएको छ । भूकम्पका बेला...

विद्यार्थी मृत्यु प्रकरण : प्रिन्सिपलसहित पाँच जनाविरुद्ध मुद्दा दायर

२०७६-३-२७ शुक्रबार

कञ्चनपुर / कञ्चनपुरको भीमदत्तनगरपालिका–१७ मझँगाउँस्थित महाकाली बाल विद्यालयका विद्यार्थी माधव कलौनीको मृत्युका विषयलाई लिएर उहाँका अभिभावकले पाँच जनाविरुद्ध मुद्दा दायर गरेका छन् ।विद्यार्थीबीच भएको झगडाका विषयलाई लिएर कक्षा–९ मा अध्ययनरत छात्र माधव कलौनीलाई गत असार १३ गते शिक्षकले कुटपिट गरी घाइते बनाएको आरोप छ । घाइते विद्यार्थीको तीन दिनअघि (असार २४ गते राति) उपचारका क्रममा...

त्रिभुवन विमानस्थल अनिश्चित कालका लागि बन्द : विदेशबाट आएका जहाज अवतरण नगरी फर्किए

२०७६-३-२७ शुक्रबार

यति एयरलाइन्सको विमान त्रिभुवन विमानस्थलमा अवतरणका त्रममा चिप्लिएको छ । नेपालगञ्जबाट काठमाडौं आएको उक्त विमान अवतरणको क्रममा शुक्रबार बिहान चिप्लँदा २ जना घाईते भएका छन् । 9N अल्फा MM को उक्त जहाज अवतरणको क्रममा चिप्लिएर विमानस्थलको धावनमार्गबाट १५ मिटर पर पुगेको छ । विमानमा ६६ जना यात्रु र चार जना चालक दलका सदस्य सवार थिए...